Media Centre

Clár Mór-Fhorbartha ag Aerfort Bhaile Átha Cliath  

Luas ag Méadú faoin gClár Mór Forbartha ag Aerfort Bhaile Átha Cliath anois
le Conarthaí Suntasacha Tógála, Deartha agus Bainistíochta 
Cláir Críochnaithe ag ÚABÁC.

Tá pleananna i gcomhair a Chláir Forbartha nua ag Aerfort Bhaile Átha Cliath curtha go mór chun cinn ag Údarás Aerfort Bhaile Átha Cliath (ÚABÁC) trí  trí socrúcháin chonartha  a dhéanamh le roinnt gnólachtaí idirnáisiúnta atá ina saineolaithe i mbainistíocht togra, in ailtireacht aerfoirt, i ndearadh agus i dtógáil.
Tá na conarthaí seo lárnach do sheachadadh an dara críochfort paisinéirí agus na comhpháirteanna piara satailíte nua de Chlár Forbartha Aerfort Bhaile Átha Cliath, a chosnóidh €1.2bn, agus a mhairfidh deich mbliana, a d'fhógair Údarás Aerfort Bhaile Átha Cliath Meán Fómhair seo caite. Cuireadh na conarthaí seo i gcrích tar éis cláir thairisceana phoiblí a bhí an-docht agus iomaíoch.
Tá an gnólacht tógála idirnáisiúnta atá bunaithe sna Ríocht Aontaithe, Laing O' Rourke ceaptha ag Údarás Aerfort Bhaile Átha Cliath chun Piara D a thógáil faoi dheireadh 2007. Is í seo an áis a sholáthróidh 14 geata bordála nua i gcomhair aerárthaí caola agus leathana. Tá cead pleanála faighte cheana don phiara nua, agus tosóidh obair ullmhúcháin ar an suíomh don struchtúr dhá stóir, 15,000 méadar cearnach taobh istigh den chúpla seachtain amach romhainn.
Tá cuibhreannas comhdhéanta de Ové Arup, Pascall & Watson agus Mace - sainchomhairleoirí idirnáisiúnta um dearadh, ailtireacht agus bainistíocht togra faoi seach - ceaptha mar bhainisteoirí togra agus mar dhearthóirí i gcomhair Críochfort 2, Piara E agus na hoibreacha comhtháthaithe colbha comhlacha uilig a theastaíonn chun an críochfort paisinéirí nua a nascadh le Críochfort 1 atá ann cheana féin.
Tá an gnólacht comhairleach costais agus suirbhéireacht cainníochta, Davis Langdon PKS ceaptha mar shainchomhairleoirí costais i gcomhair an críochfort nua, Piara E agus oibreacha colbha.
Mar gheall ar chastacht agus spriocanna seachadta dúshlánacha Chlár Forbartha an Aerfoirt, 
tá cinneadh déanta ag ÚABÁC bainisteoirí cláir seachtracha a cheapadh chun comhtháthú agus
sceideal seachadta an Chláir ina iomláine a phleanáil. Tá an conradh seo tugtha do Turner & Townsend, an 
gnólacht comhairleach idirnáisiúnta um thógáil agus bainistíocht atá bunaithe i Leeds.
Tá Turner & Townsend tosnaithe cheana féin ag obair i gcomhar le foireann sainithe ó
ÚABÁC agus leis na conraitheoirí eile atá ar an suíomh cheana féin chun a chinntiú go ndéantar an Clár iomlán, 
atá comhdhéanta d'os cionn 120 togra ar scálaí éagsúla,
a sheachadadh ar bhealach atá comhtháite, éifeachtúil ar an gcostas agus dírithe ar an gcustaiméir.
"Is é Clár Forbartha Aerfort Bhaile Átha Cliath an infheistíocht chaipitiúil is mó
atá an chuideachta seo tar éis tabhairt faoi riamh, agus i dtéarmaí an réimse tograí atá le seachadadh
 taobh istigh de fhráma ama an-chúng in aerfort atá fós ag feidhmiú, is dócha gurb é ceann de na cinn is
casta ó bunaíodh an Stáit," a dúirt Declan Collier, Príomhfheidhmeannach, ÚABÁC.
"Sa chomhthéacs sin, tá sé ríthábhachtach go bhfuil páirtithe seachtracha ÚABÁC
san obair dhúshlánach seo ar an gcaighdeán idirnáisiúnta is airde. Tá áthas orainn
go bhfuil an próiseas tairisceana iomaíoch do na conarthaí atá curtha i gcrích go dtí seo
seo tar éis páirtithe d'ardchaighdeán agus le go leor taithí a sholáthar dúinn. Táimid ag súil le bheith ag obair leo agus muid ag  
athrú Aerfort Bhaile Átha Cliath thar na blianta amach romhainn isteach ina gheata iompair don 21ú aois 
atá feiliúnach do riachtanais ár gcustaiméirí, phríomhchathair na hÉireann agus 
eacnamaíocht fhoriomlán bhallstáit forásach de chuid an AE," a dúirt sé.
Is mórghnólacht idirnáisiúnta um chonarthaí tógála é Laing O' Rourke, a fhostaíonn os cionn
23,000 duine ar fud an domhain.  Cruthaíodh é trí chomhcheangal de ghnólachtaí Éireannacha agus gnólachtaí de chuid an Ríocht Aontaithe cúig
bliana ó shin, agus is saineolaí é i dtógáil bhonneagair mhóriompair.
Ar na tograí forbartha  aerfoirt suntasacha ina bhfuil sé páirteach, nó a chríochnaigh sé le déanaí,
tá Críochfort 5 nua Heathrow, Birmingham, Dún Éideann and Dubai.
Tá Laing O' Rourke an-ghníomhach in Éirinn, áit a bhfuil uasghrádú dhébhealach 
Bhaile Átha Cliath-Nás ar cheann dá thograí reatha is mó cáil.
Ag leathadh dó thar 200 méadar amach ar naprún na haerpháirce ar teorainn thuaidh an 
Aerfoirt, soláthróidh Piara D tuilleadh acmhainn bhordála paisinéirí agus 14
seastán tadhaill nua. Déanfaidh siad seo éascú ar bhordáil agus díbhordáil dhíreach 
phaisinéirí agus déanfaidh siad cumasú ar agus slánúcháin an-éifeachtúil de sceidil aerárthaí.
Beidh an costas iomlán a cheaptar a bheidh ar Phiara D, gach obair choimhdeach atá bainteach leis agus na roghanna 
rochtana chuig an críochfort paisinéirí atá ann cheana féin agus a bhfuil athbhreithniú á dhéanamh orthu, os cionn €100m.
Thug an Rialtas cead i gcomhair an dara críochfort paisinéirí d'Aerfort Bhaile Átha Cliath an
samhradh seo caite, agus tógfar é ar shuíomh atá in aice leis an gcríochfort atá ann cheana féin agus 
beidh Piara C atá ann cheana féin mar chuid de. Beidh sé deartha chun suas le 15 milliún 
paisinéir a láimhseáil agus chun freastal ar riachtanais trácht eitlíochta fadréime agus gearr-réime
agus i gcomhair aistriú phaisinéirí agus bhagáiste idir an dá mhodh.
Leathnóidh an dara piara satailíte nua, Piara E, amach ar naprún an aerfoirt ag dronuillinn
ón gcríochfort nua agus soláthróidh sé seastán tadhaill breise i gcomhair aerárthaí caola agus leathana
de réir mar a leanann trácht paisinéirí  Aerfort Bhaile Átha Cliath ag fás.
Críochnófar an críochfort nua agus Piara E i dtreo deireadh 2009 de réir an sceidil.
Beidh Ové Arup i gceannas ar an bhfoireann pleanála agus deartha atá roghnaithe i gcomhair Críochfort 2 
agus Piara E. Is comhairleoirí idirnáisiúnta deartha, innealtóireachta agus pleanála iad Arup a fhostaíonn os cionn
70,000 ball foirne ar fud an domhain agus tá cuid de na foirgnimh is cáiliúla sa domhan nua-aoiseach
deartha acu, lena n-áirítear Sydney Opera House agus Swiss Re Building Londain
. Tá saineolas acu freisin in innealtóireacht agus dearadh bhonneagar móriompair 
agus tá siad ar cheann de na dearthóirí tosaigh i gcomhair Críochfort 5 ag Heathrow, agus roimh
Cluichí Oilimpeacha 2008, i gcomhair an tríú críochfort nua ag aerfort idirnáisiúnta Beijing.
Tá na Bainisteoirí Cláir foriomlána ar nua-Fhorbairt Aerfort Bhaile Átha Cliath, 
Turner & Townsend, ina saineolaithe ar sholáthar córais cuí i gcomhair 
monatóireacht agus smachtú cláir bhonneagair chasta agus i gcomhair anailís
luacha mionsonraithe den chaoi is fearr sceidealú, comhtháthú agus seachadadh a dhéanamh ar thograí aonair.
Tá taithí agus saineolas suntasach ag Turner & Townsend san 
earnáil iompair. Ar thograí a raibh siad bainteach leo le déanaí áirítear; pleanáil chostais iomláin agus smacht ar chlár leathnaithe aerfort
idirnáisiúnta Sydney agus uasghrádú stáisiún iarnróid Picadilly

i Manchain.

Le breis eolais a fháil téigh i dteagmháil le: Vincent Wall ag 087.6860727

Críoch
5 Márta, 2006