Media Centre

Is cúis mhór díomá ag Údarás Aerfort Bhaile Átha Cliath (ÚABÁC) cinneadh an Choimisiúin um Rialú Eitleoireachta (Rialaitheoir) gan an méadú iomlán 51c i muirir phaisinéirí a chuir an Painéal Achomhairc faoina bráid níos túisce i mbliana le hathbhreithniú a cheadú.

Achomhairc faoina bráid níos túisce i mbliana le hathbhreithniú a cheadú.
Ina áit, cheadaigh an rialaitheoir méadú 20c i muirir phaisinéirí d'Aerfort Bhaile Átha Cliath go dtí uastáille de €6.34 ar an meán in aghaidh an phaisinéara don tréimhse ceithre bliana 2006-09. Bhí ÚABÁC ag lorg táille de €7.50 in aghaidh an phaisinéara ar a laghad mar mhaoiniú ar an gClár Infheistíochta Caipitil de €1.2bn atá ag teastáil chun na háiseanna ag Aerfort Bhaile Átha Cliath a uasghrádú.
Dúirt Príomhfheidhmeannach Údarás Aerfort Bhaile Átha Cliath Declan Collier gur chúis mhór díomá a bhí i gcinneadh an rialaitheora i gcomhthéacs an chláir mhóir caipitil atá ag teastáil ag Aerfort Bhaile Átha Cliath.
“Cé go bhfáiltímid roimh aon ardú sna muirir phaisinéirí, tá sé an-díomách gur roghnaigh an rialaitheoir neamhaird a thabhairt ar go leor de mholtaí an Phainéal Achomhairc,” a dúirt Collier. “Arís eile beidh ar an bpobal atá ag taisteal cur suas le torthaí cinneadh an rialaitheora nach gcuireann a ndóthain maoiniú ar fáil chun infheistíocht riachtanach chaipitil a dhéanamh a feabhsóidh taithí na bpaisinéirí go mór ag Aerfort Bhaile Átha Cliath,” a chuir sé leis. “Caithfear íoc as aon infheistíocht a dhéantar agus is é an príomhbhealach chun íoc as ná le muirear aerfoirt.”
Tá an fás i líon na bpaisinéirí ag leanúint ar aghaidh ag Aerfort Bhaile Átha Cliath agus beidh níos mó ná 20 milliún ann i mbliana agus caithfidh ÚABÁC a bheith in ann na hacmhainní breise atá ag teastáil ó chustaiméirí na n-aerlínte agus ón bpobal atá ag taisteal a chur ar fáil, dar le Collier.
“D'ordaigh an rialtas d'ÚABÁC an dara Críochfort a thógáil ag Aerfort Bhaile Átha Cliath. Aontaíonn na paisinéirí go bhfuil gá ann leis na háiseanna a fheabhsú agus a mhéadú agus dúirt siad linn go bhfuil siad sásta níos mó a íoc i gcomhair na feabhsúcháin seo.  Aontaíonn tionscadal na turasóireachta agus an pobal gnó freisin go bhfuil géarghá le hacmhainní breise ag Aerfort Bhaile Átha Cliath. Is cúis aiféala mar sin gur roghnaigh an Rialaitheoir gan an méadú iomlán sna muirir a mhol an Painéal Achomhairc d'ÚABÁC a cheadú.
D'iarr Collier ar an Rialaitheoir freisin athbhreithniú tapa a dhéanamh ar Chlár Infheistíochta Caipitil d'Aerfort Bhaile Átha Cliath de chuid ÚABÁC  chun cabhrú le háiseanna breise a theastaíonn go mór a chuir ar fáil. 

Déanaigí teagmháil leo seo a leanas i gcomhair a thuilleadh eolais:

Paul O’Kane
Oifig Phreas ÚABÁC
01 8141897, 086 6090221

Nóta d'eagarthóirí:

D'iarr ÚABÁC méadú i muirir phaisinéirí go dtí €7.50 in aghaidh an phaisinéara san fhómhar a chuaigh thart chun freastal ar chostais an phlean forbartha caipitil €1.2bn d'Aerfort Bhaile Átha Cliath. Ba é cinneadh an Rialaitheora (29 Meán Fómhair 05) ná uastáille de €6.14 ar an meán in aghaidh an phaisinéara don tréimhse ceithre bliana 2006-2009.
Ní raibh ÚABÁC sásta leis an toradh seo agus iarradh athbhreithniú neamhspleách. Chuir cinneadh an Phainéal Achomhairc (4 Aibreán 06) gnéithe áirithe den Cinneadh ar ais faoi bhráid an rialaitheora chun athbhreithniú a dhéanamh – dá nglacfaí leo bheadh méadú 51c san uastáille reatha mar thoradh air. Tá 20c den mhéadú 51c ceadaithe ag an Rialaitheoir d'ÚABÁC anois (22 Meitheamh).
Ba é an méadú chuig muirear de €6.00 in aghaidh an phaisinéara ar an meán a cheadaigh an Rialaitheoir i mí Mheán Fómhair seo caite an chéad méadú sna muirir phaisinéirí ag Aerfort Bhaile Átha Cliath ó 1987.
Críoch